مایاوتی نے کورونا کا ٹیکہ لگوایا

بہوجن سماج پارٹی (بی ایس پی) سپریمو مایاوتی نے ہفتہ کو اترپردیش کے دارالحکومت لکھنو کے ایک اسپتال میں کووڈ۔19کا ٹیکہ لگوایا اور حکومت سے اپیل کی کہ غریبوں کے لئے مفت ٹیکہ کاری کا انتظام کیا جائے۔

مایاوتی نے ٹی ایس مشر میڈیکل کالج اور اسپتال میں جاکر ٹیکہ لگوایا جس کے بعد انہیں ٹوئٹ کر اس کی جانکاری دی۔

انہوں نے اپنے ٹوئٹ میں لکھا’کورونا قہر سے ملک کی عوام لگاتار گہرے بحران وبڑی مشکل میں ہیں۔اس سے بچاو کے لئے ویکسین کا جو دور جاری ہے اس کے تحت ہی آج میں نے بھی ٹی ایس مشرا میڈیکل کالج و اسپتال میں جاکر ٹیکہ لگوایا۔

مرکزی و ریاستی حکومتوں سے دوبارہ اپیل ہے کہ وہ غریبوں کے لئے ٹیکہ کا مفت انتظام کرے۔

انہوں نے کہا’ ساتھ ہی ملک کی عوام سے بھی میری یہ پرزور اپیل ہے کہ وہ کورونااصولوں پر صحیح سے عمل کریں اور ٹیکہ سے متعلق سرکاری دواوں وغیرہ سے انکار نہ کر کے ٹیکہ کاری کا پور فائدہ اٹھائیں۔موجودہ وقت میں یہی سب سے اعلی ترکیب ہے۔