اصول و ضوابط کے ساتھ زندگی گزارنا ایک طالب علم کے لئے کامیابی کا ضامن ہے ۔ اسی اعلی افکار اور بلند نظریے تحت ریاست اتر پردیش کے شہر مئو میں ڈی ایل ایڈ طلبا و طالبات اسکاؤٹ گائیڈ کیمپ میں حصہ لے رہے ہیں ۔
پانچ روزہ کیمپ میں طلبا کو حفظان صحت کے بنیادی اصولوں کی بھی جانکاری دی جارہی ہے ۔ کیمپ کے دوران طلبا و طالبات کو تمبو بنانے اور کم سے کم وسائل میں اپنا مشن پورا کرنے کی تربیت دی جا رہی ہے ۔ طالبات کےلئے یہ کیمپ کافی اہمیت کا حامل ہے ۔
طلبا و طالبات کے لئے یہ کیمپ خود کو ذہنی طور پر مضبوط بنانے کا بہترین موقع ہے ۔
اسکاوٹ گائیڈ کیمپ کا انعقاد
کیمپ میں حصہ لے رہی طالبہ عظیم فاطمہ کہتی ہیں کہ یہ کیمپ مشکل حالات میں زندگی بسر کرنے کا طریقہ بتاتا ہے ۔ طالبات یہاں امور خانہ داری پر بھی طبع آزمائی کر رہی ہیں ۔
اسکاؤٹ گائیڈ کیمپ میں حصہ لے رہے طلبا و طالبات کو جسمانی ورزش کی خاص طور پر مشقیں کرائی جارہی ہے ۔
کیمپ میں فزیکل ایکسرسائیز طلبا کو چست درست رکھنے میں مددگار ثابت ہو رہی ہے ۔
کیمپ کمانڈر ڈی بی ونمالی کے مطابق اسکاؤٹنگ گھر سے دور زندگی گزارنے کی تربیت ہے ۔ یہ کسی طالب علم کو ہاسٹل میں رہ کر وقت کی پابندی کرنے کا ہنر دیتی ہے ۔
اس پانچ روزہ کیمپ میں حصہ لے رہے طلبا و طالبات میں خود اعتمادی نمایاں طور پر نظر آئی ۔
