اترپردیش کے ضلع مئو میں وزیر اعلیٰ کے دورے سے قبل ہی آوارہ جانوروں کی دھر پکڑ گزشتہ روز سے جاری ہے۔
جن میں زیادہ تر جانور گائے کی نسل کے ہیں۔
ان جانوروں کو سرکاری عمارتوں کے ایسے کمروں میں قید کیا گیا ہے جن میں تازہ ہوا تک نہیں آتی۔اور ان جانوروں کو بغیر چارہ پانی کے ہی کل سے ہی قید کرکے رکھا گیا ہے۔
مقامی باشندوں کے مطابق پولیس کے ساتھ آئے انتظامیہ کے اہلکاروں نے آوارہ جانوروں کو پنچایت بھون میں قید کیا اور چلے گئے اور ان جانوروں کے چارے پانی کا نظم بھی نہیں کیا جس کے سبب ان کے بیمار ہونے اور مرجانے کا خطرہ لاحق ہے۔
مقامی لوگوں کا یہ بھی کہنا ہے ہے کہ پکڑے گئے جانوروں کو سرکاری عمارتوں میں قید کی بجائے انھیں گاؤ شالہ میں چھوڑ دینا چاہیے تاکہ انھیں چارہ پانی حاصل ہوسکے۔
مقامی افراد نے انتطامیہ پر الزام عائد کرتے ہوئے کہا ہے کہ انتطامیہ نے اپنی ناکامی پر پردہ ڈالنے کے لیے یہ تکلیف دہ طریقہ اختیار کیا ہے۔