مرادآباد میں وزیر اعلیٰ میرج اسکیم کے تحت 2180 جوڑوں کی شادیاں

ہر سال کی طرح اس سال بھی اترپردیش کے مرادآباد میں اترپردیش حکومت کی ہدایات کے مطابق اجتماعی شادی کی تقریب کا اہتمام کیا گیا۔ وزیر اعلیٰ اجتماعی شادی اسکیم کے تحت منعقدہ اس تقریب میں تمام مذاہب اور ذاتوں کے جوڑوں کی شادیاں ان کے مذہبی رسوم و رواج کے مطابق انجام پائیں۔ Mass Wedding in Moradabad Uttar Pradesh

مرادآباد:اترپردیش کے مرادآباد میں ایم ڈی اے گراؤنڈ بدھا وہار گراؤنڈ میں چیف منسٹر ماس میرج اسکیم کے تحت تقریباً 2180 جوڑوں کی شادیاں ہوئیں جن میں سے 1093 ہندو اور 1087 مسلم جوڑوں کی شادی ان کے مذہبی رسم و رواج کے مطابق عمل میں آئی۔ ضلع حکام نے انتظامیہ کی جانب سے نوبیاہتا جوڑے کے اکاؤنٹ میں 51 ہزار روپے، مالی امداد کی مد میں 35 ہزار روپے، باقی رقم تحائف اور ریفریشمنٹ پر خرچ کی گئی۔
اعلیٰ حکام نے جانکاری دیتے ہوئے بتایا کہ چیف منسٹر ماس میرج اسکیم کے تحت 1087 مسلم اور 1093 ہندو نوجوان مرد و خواتین کی شادیاں ہوئیں۔ ان جوڑوں میں شامل پنڈت لال کشور شاستری اور پونم شاستری کی شادی ویدک منتروں کے بیچ ہوئی تو وہیں مسلم نوجوان اور خواتین کا نکاح امام شکیل احمد اور زاہد حسین نے اسلامی رواج کے مطابق انجام دیا۔

Mass Wedding: جیور میں اجتماعی شادی کا اہتمام
اس موقعے پر بھارتیہ جنتا پارٹی کی رکن فرح انصاری نے میڈیا سے بات کرتے ہوئے کہا کہ چیف منسٹر ماس میرج اسکیم کے تحت تمام مذاہب اور ذاتوں کے ہندوؤں اور مسلمانوں کی شادیوں کے پروگرام کے دوران جہاں ایک طرف مسلم جوڑوں کا نکاح پڑھایا جا رہا تھا، وہیں دوسری طرف پنڈتوں نے منتروں کا جاپ کرتے ہوئے ہندو جوڑوں کی شادی کرائی اور دولہا اور دلہن کو آشیرواد دیا۔ اس تقریب میں شیلیندر کمار گوتم، ضلع سماجی بہبود افسر، سمیت یادو، چیف ڈیولپمنٹ آفیسر، مانویندر سنگھ ضلع مجسٹریٹ، ضلع پنچایت صدر ڈاکٹر شیفالی، سٹی ایم ایل اے رتیش گپتا اور کئی سینئر افسران موجود تھے۔