امروہہ: موٹر سائیکل سوار کا گولی مار کر قتل

ریاست اترپردیش کے امروہہ ضلع میں کچھ شرپسندوں نے موٹر سائیکل پر سوار میاں بیوی کو روک کر گولی مار دی۔ اس واردات سے علاقے میں خوف و ہراس پھیل گیا ہے۔

ریاست اترپردیش کے امروہہ ضلع میں کچھ شرپسندوں نے موٹر سائیکل پر سوار میاں بیوی کو روک کر گولی مار دی۔ اس واردات سے علاقے میں خوف و ہراس پھیل گیا ہے۔

دراصل ضلع کے آدم پور تھانہ علاقے کے گاؤں رہارہ میں رہنے والے جے پرکاش اپنی اہلیہ کے ساتھ آدم پور سے اپنے گھر لوٹ رہے تھے۔ لیکن آدم پور رہارہ روڈ پر نامعلوم موٹرسائیکل سوار نقاب پوش بدمعاشوں نے جے پرکاش کی موٹر سائیکل کو زبردستی روک کر ان کے سر میں گولی مار دی۔

جے پرکاش نے موقع پر ہی دم توڑ دیا۔ وہیں واردات کو انجام دینے کے بعد بدمعاش فرار ہوگئے۔

وہیں اطلاع ملنے پر پولیس موقع پر پہنچ چکی ہے۔ پولیس نے لاش کو قبضے میں لے کر مقدمہ درج کر لیا ہے۔

فی الحال پولیس معاملے کی تفتیش کر رہی ہے۔