پریاگ راج میں ٹڈیوں کا حملہ

پریاگ راج میں آج صبح ٹڈی بڑے پیمانے پر داخل ہوگئے اور پورے شہر میں ٹڈیاں ہی ٹڈیاں نظر آرہی ہیں۔

اترپردیش کے ضلع پریاگ راج میں بڑے پیمانے پر ٹڈیوں نے حملہ کردیا ہے اور سیکڑوں ایکٹر پر پھیلی تیار کھڑی فصلوں کو نقصان پہنچایا ۔

ایک مقامی خاتون کا کہنا ہے کہ جب میں اپنے گھر سے باہر نکلی تو ہر طرف ٹڈیاں ہی ٹڈیاں نظر آئیں اور ان ٹڈیوں کو بھگانے کے لیے پٹاخے اور دیگر چیزوں کا سہارا لیا گیا۔

دیگر مقامی خاتون نے اس تعلق سے بتایا کہ اچانک ہمیں ٹڈیوں کا ایک بڑا دل قریب آتے نظر آیا، جس کے سبب پورے علاقے میں افراتفری پھیل گئی، جس کے بعد ہم نے انھیں بھگانے کے لیے پٹاخے جلائے اور تیز آواز میں گانا بجانا شروع کردیا، ٹڈیوں کی وجہ سے یہاں سبھی لوگوں کو کافی پریشانی کا سامنا کرنا پڑرہا ہے۔