بریلی: لاک ڈاؤن کے خلاف ورزی کر رہے ہیں مقامی لوگ

اتر پردیش حکومت نے متعدد مرتبہ واضح کیا ہے کہ ہفتے میں دو دن بروز ہفتہ اور اتوار کو لاک ڈاؤن نافذ رہےگا۔ لہزا ان دو دنوں میں لوگوں کو گھروں میں رہنے کی ہدایت دی گئی ہے۔ لیکن بریلی میں مقامی باشندے لاک ڈاؤن کے خلاف ورزی کر رہے ہیں۔

بریلی ضلع کی سڑکوں پر لاک ڈاؤن کے درمیان بھی تمام مقامی شہری وقت بے وقت اپنے گھروں سے دیگر دنوں کی طرز پر باہر نکل رہے ہیں۔ جبکہ سڑکوں پر خاموشی صاف نظر آ رہی ہے۔

تمام دکانیں اور شو رومز بھی بند ہیں۔ صرف ضرورت کا سامان خریدنے کے لیے کرانا بازار کی چنندہ دکانیں، میڈیکل اور جنرل اسٹور ہی کھولنے کی اجازت ہے۔

شہر میں بغیر ضرورت کے گھر سے باہر نکلنے والے لوگوں کو پولس نے سڑک پر روک کر لاک ڈاؤن کی خلاف ورزی کرنے کی وجہ معلوم کی تو ان کے پاس کوئی معقول جواب نہیں تھا۔

لہزا پولس نے ایسے تمام موٹر سائکل سواروں کو چالان کر دیا۔ دراصل محرم الحرام کی نویں تاریخ کی شام کو پولس کی سختی مزید بڑھ گئی تھی۔

شہر کے مختلف علاقوں میں بھی پولس کی گشت کے باوجود لوگوں نے گھروں سے باہر نکلنے میں کوئی پرہیز نہیں کیا۔ غور طلب ہے کہ بریلی میں گزشتہ دو ہفتے سے مسلسل ایک سو سے زائد کورونا مثبت مریض ملنے کا سلسلہ چل رہا ہے۔

لاک ڈاؤن کے خلاف ورزی کر رہے ہیں مقامی لوگ

کورونا سے فوت ہونے والے افراد کی تعداد بھی ایک سو سے زائد پہنچ چکی ہے۔ لہزا پولس اور ضلع انتظامیہ کی سختی کی واجب وجہ بھی ہے۔

لیکن مقامی شہریوں کو اس اعداد و شمار سے کوئی خاص فرق نہیں ہے۔ لہزا گھروں سے باہر نکلنے سے باز نہیں آ رہے ہیں۔