'لکھنؤ کی عوام راج ناتھ سنگھ کے ساتھ ہے'

ریاست اترپردیش کے وزیر برائے اقلیتی امور لکشمی نارائن نے آج دادا میاں درگاہ میں چادر پوشی کی اور بی جے پی کے پارلیمانی امیدوار داخلہ راج ناتھ سنگھ کے لیے جیت کی دعا مانگی۔

پارلیمانی حلقہ لکھنؤ سے بی جے پی امیدوار و موجودہ وزیر داخلہ راج ناتھ سنگھ کی جیت کے لیے لکشمی نارائن نے دعا مانگی۔

انہوں نے کہا کہ ' لکھنؤ کی عوام ایک بار پھر سے راج ناتھ سنگھ کو رکن پارلیمان بنانا چاہتی ہے اور ملک میں جب سے بی جے پی اقتدار میں ہے، سبھی مذاہب کے لوگ پر امن اور سکون کے ساتھ رہ رہے ہیں۔ کہیں پر بھی کسی طرح کی کوئی پریشانی نہیں ہے'۔

لکشمی نارائن نے مزید کہا کہ لکھنؤ کے سبھی مسلم رہنما اور عوام نے آپس میں بات چیت کرکے یہ فیصلہ کیا ہے کہ وہ راج ناتھ سنگھ کی کھل کر حمایت کریں گے اور انہیں جیت دلائیں گے۔