تیندوے کی وجہ سے گاوں کے لوگ خوفزدہ

تیندوے کے خوف سے گاؤں والوں کو اپنے کھیت میں کام کرنے کے لیے جانا انتہائی مشکل ہوگیا ہے۔

ریاست اترپردیش کے ضلع امروہہ کے گاؤں حسن پور میں آئے دن تیندوے آبادی میں نظر آتے ہیں، جس کی وجہ سے گاؤں کے لوگ خوف و ہراس میں زندگی گزار رہے ہیں۔

اب تک تیندوے نے کھیت پر کام کرنے والے تین افراد پر حملہ کیا ہے۔

تاہم مقامی افراد کی بروقت کارروائی سے ان کو بچا لیا گیا ہے۔

گاؤں والوں کا کہنا ہے کہ محکمہ جنگلات کو اس بات کی اطلاع دی گئی ہے، لیکن ابھی تک کارروائی نہیں ہوئی ، اس لیے گاؤں کے لوگ تیندوے کے سائے میں زندگی گزارنے پر مجبور ہیں۔

گاؤں والوں نے محکمہ جنگلات پر الزام لگایا ہے کہ ان کی طرف ابھی تک کوئی کارروائی نہیں کی جا رہی ہے، جس وجہ سے گاؤں کے لوگوں کی زندگی میں تیندوے سے خوف چھا گیا ہے۔