مرادآباد: ریہڑی پٹری والوں کا احتجاج

ریاست اتر پردیش کے مرادآباد میں جیویکا بچاؤ آندولن یونین کی جانب سے ریہڑی پٹری، ٹھیلا  اور ای رکشا والوں نے اپنے مطالبات کو لے کر احتجاج کیا۔

مرادآباد کے ٹاون ہال علاقے میں ایک لمبے وقت سے اپنی روزی روٹی کے لیے ریہڑی پٹری, ٹھیلا لگا کر آپنے اہل خانہ کا پیٹ پالتے ہیں، لیکن کچھ دنوں سے مرادآباد کوتوالی پولیس ان کو کاروبار نہیں کرنے دے رہی، یومیہ مزدوری کرنے والے مزدوروں پر پولیس مسلسل استحصال کرکے ٹھیلا لگانے سے روکا جا رہا ہے۔

ان چھوٹے کاروباریوں کا کہنا ہے کہ 'کاروبار بند ہونے سے وہ بہت پریشان ہیں،انہوں نے کہا کہ کاروبار نہ ہونے کی وجہ سےان کے بچوں کی اسکول کی فیس جمع نہیں ہو پا رہی ہے، بجلی کا کنکشن کاٹا جارہا ہے'

مظاہرین کی قیادت کررہے ایڈووکیٹ یوگی شرمانے کہا کہ پولیس کی پریشانی کی وجہ سے یومیہ مزدوری کرنے والے لوگ فاقہ کشی میں مبتلا ہوتے جارہے ہیں۔ اگر پولیس کا یہی رویہ تو مزدور بڑے پیمانے پر احتجاج کرنے پر مجبور ہوں گے۔

مظاہرین نے ڈی ایم مرادآباد راکیش کمارسنگھ کو پیش میمورنڈم میں مطالبہ کیا ہے انہیں اپنے علاقے میں کاروبار کرنے دیا جائے تاکہ وہ اپنے خاندان کی صحیح طریقے سے پرورش کرسکے۔