ریاست اترپردیش کے ضلع مظفر نگر کے مرکزی چوراہے پرکاش چوک پر ہندو مذہبی تنظیم کرانتی سینا کے عہدیداروں اور کارکنان نے کشمیر میں تازہ ہلاکتوں کے خلاف احتجاج کیا۔
اس دوران کرانتی سینا کے کارکنان نے بینر پر موجود اپوزیشن رہنما راہل گاندھی، پرینکا گاندھی، اکھلیش یادو اور راشٹریہ لوک دل کے قومی صدر جینت چودھری کے ساتھ ساتھ ملک کے وزیر داخلہ امت شاہ کے تصاویر پر لال رنگ لگا کر احتجاجی مظاہرہ کیا۔
مظفرنگر: کشمیر واقعہ پر کرانتی سینا کا احتجاج کرانتی سینا کے جنرل سیکریٹری نے کہا کہ 'جس طرح لکھیم پور واقعہ کو لے کر سبھی اپوزیشن پارٹیوں نے ہلاک ہونے والے کسانوں کے لیے احتجاجی مظاہرہ کیا اور حکومت سے ان کو معاوضہ بھی دلوایا لیکن کشمیر معاملے کو لے کر نہ تو حکومت اور نہ ہی اپوزیشن کی سیاسی پارٹیاں آواز اٹھا رہی ہیں۔'
یہ بھی پڑھیں:بانڈی پورہ: حاجِن میں عام شہری کا گولی مار کر قتل
انہوں نے کہا کہ 'اس دوہرے رویے کے خلاف ہماری تنظیم کرانتی سینا نے احتجاجی مظاہرہ کیا اور حکومت سے ان کے معاوضے کے لیے مطالبہ کیا۔'
