میڈیا سے بات کرتے ہوئے مندر انتظامیہ کے افسر وشال نے کہا کہ کورونا وائرس کی خوف سے مندر انتظامیہ نے سیاحوں کی آمد پر سختی سے نظر رکھ رہی ہے۔
انہوں نے کہا کہ اس موقع پر پر تھرمل اسکریننگ کے ذریعے سیاحوں اور عقیدتمندوں کے درجہ حرارت کو چیک کیا جا رہا ہے اور اس کے بعد ہی مندر میں جانے کی اجازت دی جا رہی ہے۔
انہوں نے کہا کہ اس سلسلے میں ایک میٹنگ بھی کی گئی ہے، جس میں یہ فیصلہ لیا گیا ہے کہ غیر ملکی سیاحوں پر سختی سے نظر رکھا جائے گا۔
انہوں نے کہا کہ مندر کے اندر' گربھ گرہ' کو بند کر دیا گیا ہے اور اس میں داخلے کی اجازت نہیں دی گئی ہے، یہ عمل 31 مارچ تک جاری رہے گا اس کے بعد حالات کے پیش نظر نرمی برتی جائے گی۔
واضح رہے کہ اس سے قبل کل بدھ مذہب کے پیروکاروں کی ورانسی میں واقع سب سے بڑی مندر سارناتھ مندر میں بھی تالا لگا دیا گیا ہے اور دیگر سیاحتی مقام پر بھی انتظامیہ گہری نظر رکھے ہوئے ہیں۔