کورونا کے سبب کانپور میڈیکل کالج نے جنرل او پی ڈی بند کیا

کانپور میں کووڈ کی وباء بہت تیزی سے پھیل رہی ہے، اس وباءکی روک تھام کے انتظام کرنے کے لئے کانپور میڈیکل کالج نے جنرل او پی ڈی کو بند کر دیا ہے، اب مریض محفوظ پیمنٹ کاؤنٹر پر ہی خود کو دکھا پائیں گے۔

ریاست اترپردیش کے شہر کانپور میں کووڈ 19 کے مریض کی تعداد تیزی سے بڑھتی جا رہی ہے، گزشتہ کئی دنوں سے روزانہ دو سو سے زائد مریض کورونا مثبت پائے جارہے ہیں، لیکن آج کورونا مریضوں کی یہ تعداد ساڑھے تین سو سے تجاوز کر گئی ہے۔ کانپور میڈیکل کالج میں اس وبا کے بڑھتے مریضوں کی تعداد کو دیکھتے ہوئے یہاں کی جنرل او پی ڈی کو بند کر دیا گیا ہے اور تمام ڈاکٹرز کی ڈیوٹی کووڈ کے مریضوں کی دیکھ بھال کے لئے لگا دی گئی ہے۔

شروع سے ہی کانپور میڈیکل کالج کووڈ کے مریضوں کا علاج کر رہا ہے اور کالج کے زیر نگرانی میں شہر کے کئی دوسرے اسپتال چل رہے ہیں، خود میڈیکل کالج کے دو بلڈنگوں میں کووڈ کے مریضوں کو رکھنے کا انتظام کیا جا رہا ہے۔ ڈاکٹروں کی تعداد کم ہونے کی وجہ سے کالج کے پرنسپل نے جنرل او پی ڈی کے ڈاکٹر اور پیرا میڈیکل اسٹاف کو ان مریضوں کی دیکھ بھال کی ڈیوٹی پر لگا دیا گیا ہے۔

ڈاکٹرز کی کمی ہونے کی وجہ سے روزانہ چلنے والی جنرل او پی ڈی کو بند کر دیا گیا ہے، اب صرف سیف پے او پی ڈی میں ہی دیگر مریضوں کو دیکھا جائے گا، جس کے لیے مریضوں کو تقریبا چھ سو روپے کی ادائیگی کرنی پڑے گی ۔ ابھی تک یہ مریض صرف ایک روپے کے پرچے پر خود کو میڈیکل کالج کے ایکسپرٹ پروفیسرز کو دکھایا کرتے تھے۔ سیف پیمنٹ اسکیم میں تمام چیزوں کی احتیاط کے ساتھ ڈاکٹر مریضوں کو دیکھیں گے جس کی وجہ سے مریض پریشانیوں میں مبتلا ہو گئے ہیں۔

کالج کی اپنی بھی مجبوری ہے کیونکہ جب پہلے کووڈ کے مریضوں کو کالج کے حیلیٹ اسپتال میں بھرتی کرایا گیا تھا تب سرکار نے الگ سے اسٹاف مہیا کرایا تھا لیکن اب چونکہ کالج کے پاس محدود اسٹاف ہے اس لیے ایمرجنسی کو دیکھتے ہوئے کالج کے پرنسپل نے تمام ڈاکٹر کی ڈیوٹی جنرل او پی ڈی سے ہٹا کر کووڈ کے سیکشن میں لگا دی ہے۔

گنیش شنکر ودیارتھی میڈیکل کالج کانپور کے پرنسپل پروفیسر ڈاکٹر آر بی کمل نے اس بارے میں بات کرتے ہوئے بتایا کہ گزشتہ روز ہمارے پاس کووڈ 19 کے 50 سے زائد معاملے سامنے آئے ہیں، ایسے میں ہمارے پاس اسٹاف کی کمی درپیش ہوگئی ہے۔جس وجہ سے مجھے پیرامیڈیکل اسٹاف کی ڈیوٹی کو کووڈ 19 کے وارڈ میں لگا دی ہے۔

فی الحال عام غریب مریضوں کے لئے جنرل او پی ڈی بند ہو جانے سے پریشانی پیدا ہوگئی ہے، جس کی وجہ سے عام غریب مریض کے پاس کوئی دوسرا راستہ نظر نہیں آرہا ہے ہے۔ اب وہ جس علاج کو ایک روپے میں کرواتے تھے اب انہیں اس کے لیے چھ سو روپے میں سیف او پی ڈی میں کروانا ہوگا یا پھر کسی پرائیویٹ سیکٹر میں ڈاکٹر کو دکھا کر اپنا علاج کروانا ہوگا۔