کانپور: مزدوروں سے بھرا ٹرک حادثے کا شکار، ایک بچہ ہلاک

اترپردیش کے شہر کانپور میں دیر رات مزدوروں سے بھرے ایک ٹرک کو ایک ٹرالی نے ٹکر ماردی۔ جس سے ٹرک الٹ گیا۔ اس حادثے میں 20 سے زائد مزدور زخمی ہوگئے۔ جبکہ ایک بچے کی موت ہوگئی۔ ٹرک پر بیٹھے مزدور ہریانہ سے مغربی بنگال جارہے تھے۔

ہریانہ سے مغربی بنگال جی ٹی روڈ کے راستے سے مزدروں سے بھرا ایک ٹرک جا رہا تھا۔ جس کے بعد اس ٹرک کے پیچھے ٹرولی نے زوردار ٹکر ماری، جس کی وجہ سے ٹرک الٹ گیا۔ ٹرک میں سوار مزدور زخمی ہو گئے۔ جبکہ ایک چھ سالہ بچے کی موقع پر ہی موت ہو گئی۔ باقی تمام مزدور شدید زخمی ہوگئے۔

جنہیں علاج کے لیے بلہور کے سی ایچ سی ہسپتال میں داخل کرایا گیا۔

حادثہ کانپور کے بلہور تحصیل کی سرحد میں پیش آیا۔ بتایا جا رہا ہے کہ ٹرک میں تقریباً 45 مزدوروں کا یہ قافلہ جن کے ساتھ خواتین اور بچے بھی سوار تھے۔ یہ لوگ ٹرک سے گڑگاؤں سے مغربی بنگال جا رہے تھے۔ یہ ٹرک ایٹا، مین پوری ہوتے ہوئے کانپور سے گزر رہا تھا کہ تبھی ٹرک کو نانا مؤ بلهور میں پیچھے سے آرہے تیز رفتار ٹرالی نے ٹکر مار دی۔ یہ حادثہ دیر رات میں پیش آیا تھا، اس لئے سرکاری مدد پہنچنے میں بھی کچھ وقت لگا۔