تاجر کے قتل پر پرینکا نے اتر پردیش حکومت کو گھیرا

کانگریس کی جنرل سکریٹری پرینکا گاندھی واڈرا نے مہوبہ میں ایک تاجر کے قتل پر آج اترپردیش سرکار کو گھیرتے ہوئے ریاست میں جنگل راج کا الزام لگایا۔

پرینکا گاندھی نے ایک مشہور ہندی روزنامہ کی خبر کا لنک شیئر کرتے ہوئے ٹوئٹر پر لکھا ’’مہوبہ کے تاجر اندراکانت ترپاٹھی کا قتل پوری ریاستی حکومت کے طریقہ کار پر ایک سوال ہے۔ بھارتیہ جنتا پارٹی کی حکومت میں جرائم اور بدعنوانی اپنے عروج پر ہے۔ اب اس حکومت کے افسران بدعنوانی کے خلاف آواز اٹھانے والوں کو سپاری دلوارہے ہیں‘‘۔

’’استحصال پر آواز اٹھانا موت کا سبب بنا‘‘ عنوان سے شائع اس خبر پر کانگریس رہنما نے لکھاکہ ’’یہ جنگل راج کی خوفناک شکل ہے‘‘۔