اناوٗ جنسی زیادتی کے خلاف جے این یو میں مظاہرہ

اناوٗ جنسی زیادتی متاثرہ کی چچی اور خالہ کی سڑک حادثہ میں موت اور متاثرہ کے زخمی ہونے کا معاملہ طول پکڑتا جارہا ہے۔

اناوٗ جنسی زیادتی معاملہ اب دہلی تک پہنچ چکا ہے۔ جے این یو کیمپس میں اسے حادثہ نہ مانتے ہوئے بلکہ سازش قرار ہوئے احتجاج کیا گیا۔ اس موقع پر اتر پردیش کے وزیر اعلی کا پتلا نذر آتش کرکے انصاف کا مطالبہ کیا گیا ۔

جی این یو طلبا نے متاثرہ کو انصاف دلانے کے لیے آج کیمپس میں مظاہرہ کیا۔ مظاہرہ میں کثیر تعداد میں طلبا وطالبات نے شرکت کی جو یوگی حکومت کےخلاف نعرے بازی کررہے تھے۔

مظاہرین نے یوگی حکومت کا پتلہ نذر آتش کرکے اپنی ناراضگی کا اظہار کیا۔ طلبا کا کہنا تھا کہ جس طرح جنسی زیادتی کے بعد متاثرہ اور ان کے خاندان کو کھلے عام دھمکی دی جاتی ہے، مارا جاتا ہے۔یہ حکومت کی ناکامی ظاہر کرتا ہے۔

طلبا نے مرکزی اور ریاستی سرکار سے مطالبہ کیا ہے کہ وہ جلد سے جلد متاثرہ کو انصاف دلائے اور خواتین کے تحفظ کے لیے اقدامات اٹھائے۔

یاد رہے کہ متاثرہ نے بی جے پی کے رکن پارلیمانی پرجنسی زیادتی کا الزام لگایا تھا ۔ جس کے بعد متاثرہ کے خاندان کو کافی پریشانیوں کا سامنا کرنا پڑ رہا ہے۔

اس سارے معاملہ میں نیا موڑ 2 دن قبل آیا۔ جب متاثرہ کی چچی اور خالہ کی سڑک حادثہ میں موت ہو گئ جبکہ متاثرہ اور ان کے وکیل شدید طور پر زخمی ہو گئے۔ فی الحال دونو کا علاج اسپتال میں چل رہا ہے۔

اس سڑک حادثہ پربہت سارے سوال کھڑے کررہے ہیں اور اپوزیشن اسے سازش کا حصہ بتا رہی ہے۔