جونپور:تالاب میں ڈوبنے سے 2بھائیو ں کی موت

اترپردیش کے ضلع جونپور کے سجان گنج علاقے میں بدھ کو تالاب میں نہانے گئے چار بچے ڈوب گئے جس میں سے دو سگے بھائیوں کی موت ہوگئی جبکہ دیگر دو کو نازک حالت میں اسپتال میں داخل کرایا گیا ہے۔

پولیس ذرائع نے یہاں بتایا کہ سجان گنج علاقے کے بھیلم پور گاؤں کے رہنے والے چار بچے نزدیک ہی موجود تالا ب میں نہانے گئے تھے۔ نہانے وقت وہ گہرے پانی میں اتر گئے اور ڈوبنے لگے۔ آس پاس موجود لوگوں نے انہیں ڈوبتا دیکھ کر پانی سے باہر نکالا۔

موقع پر پہنچے اہل خانہ نے فورا بچوں کو پرتاپ گڑھ سی ایچ سی گورا اسپتال میں داخل کرایا جہاں ڈاکٹر وں دو سگے بھائیوں یوراج سنگھ(13) اور امنگ سنگھ(10) کو مردہ قرار دے دیا۔ وہیں دیگر دو بچوں سوم سنگھ اور اس کے بڑے بھائی کارتک سنگھ کو پرتاپ گڑھ ضلع اسپتال ریفر کردیا ہے۔ جہاں دونوں کی حالت نازک بتائی گئی ہے۔