غیر مسلموں میں اسلامی لٹریچر کی تقسیم

ریاست اترپردیش کے شہر رامپور میں ہولی کے موقع پر جماعت اسلامی رامپور کی جانب سے سدبھاونا کیمپ لگاکر ہولی ملن کے اہتمام کیا گیا۔

اس موقعے سے برادران وطن میں اسلامی کتابیں بھی تقسیم کی گئیں۔
شرکا نے جماعت کی اس کوشش کو مثبت قرار دیتے ہوئے کہا کہ اس سے آپسی محبت اور گنگا جمنی تہذیب کو فروغ حاصل ہوگا۔

رامپور کے تاریخی قلع کے وسیع میدان میں منعقد ہونے والے اس ہولی ملن میلے میں مسلمانوں کی مختلف سماجی تنظیموں نے کیمپ لگاکر اپنے ہندو بھائیوں کو ہولی کی مبارکباد پیش کی۔ اس موقعے پر جماعت اسلامی کی جانب سے لگائے گئے سدبھاونا کیمپ کو کافی پسند کیا گیا۔
کانگریس کی رہنماء اور سابق رکن پارلیمنٹ بیگم نوربانو کا کہنا تھا کہ ملک کے موجودہ نفرتوں کے اس ماحول میں اس قسم کی کوششیں قابل دید ہیں۔ کتابوں سے انسان کو مختلف مذاہب کو جاننے میں کافی مدد حاصل ہوتی ہے۔
بلا شبہ کتابیں انسان کی بہترین دوست ہوتی ہیں۔ ساتھ ہی یہ انسان کو بہتر انسان بننے کا سلیقہ سکھلا جاتی ہیں۔ اس لیے یہ کہنا غلط نہیں ہوگا کہ انسانوں کے ٹوٹے ہوئے دلوں کو بھی جوڑنے میں یہ کتابیں اہم رول ادا کر سکتی ہیں۔
ضرورت اس بات کی ہے کہ نفرتوں کی ان آندھیوں میں محبت بھرے ان پیغامات کو عام کرنے کی کوشش کی جائے۔ تاکہ ملک کو مضبوطی فراہم ہو۔