ایودھیا: اقبال انصاری نے ملک بھر کو ہولی کی مبارک باد دی

اترپردیش کے ایودھیا میں ہولی کا اتہوار پورے جوش و خروش کے ساتھ منایا گیا۔ وہیں بابری مسجد کے اہم فریق رہے اقبال انصاری نے ای ٹی وی بھارت سے بات چیت میں سبھی ملک کے باشندوں کو بھائی چارے کا پیغام دیا۔

ملک بھر میں ہولی کا تہوار پورے زور شور سے منایا جا رہا ہے۔ وہیں دنیا کو بھائی چارے، اتحاد اور مذہب کی سیکھ دینے والی ایودھیا میں بھی اسے پورے جوش و خروش کے ساتھ منایا جا رہا ہے۔

بابری مسجد کے اہم حریف رہے اقبال انصاری نے ای ٹی وی بھارت سے خاص بات چیت کے دوران ملک بھر میں سب کو بھائی چارے کا پیغام دیا۔ ساتھ ہی وزیر اعلیٰ یوگی آدتیہ ناتھ اور وزیر اعظم مودی کو بھی مبارک باد پیش کی۔

انہوں نے کہا کہ بھگوان شری رام کی نگری ایودھیا میں اس بار کی ہولی میں اہم پیغام دے رہے ہیں، جس سے امن بھائی چارے کا پیغام جائے گا۔

ہندو مسلم ایک ہوں گے۔ کچھ لوگوں کو چھوڑ دیں تو سبھی مل کر رہنا چاہتے ہیں۔