بی جے پی میں بغاوت، ایک دوسرے کے خلاف پرچہ نامزدگی داخل

گوتم بودھ نگر ضلع پنچایت کے انتخاب کو لے کر بھارتیہ جنتا پارٹی میں بغاوت شروع ہوگئ ہے۔

اتر پردیش کے ضلع وتم بودھ نگر رکن پارلیمنٹ اور سابق مرکزی وزیر ڈاکٹر مہیش شرما کے نمائندے ستپال تالان نے پارٹی کے خلاف محاذ کھول دیا ہے۔

ستپال تالان کا کہنا ہے کہ وہ ضلع پنچایت کا انتخاب لڑیں گے۔ پارٹی نے پرانے کارکنوں کے وقار کو مجروح کیا ہے۔دراصل جب ضلع پنچایت کے لئے نامزدگی شروع ہوئیں تو ضلعی ہیڈ کوارٹر میں نامزد ہونے والا پہلا نام ستپال تالان کا تھا۔

ستپال تالان بھارتیہ جنتا پارٹی کے پرانے کارکن ہیں۔ ستپال تالان نے ضلع پنچایت کے وارڈ نمبر 5 سے نامزدگی داخل کی ہے۔ دوسری طرف ، بھارتیہ جنتا پارٹی نے ڈسٹرکٹ جنرل سکریٹری امت چودھری کو وارڈ نمبر 5 سے امیدوار کھڑا کیا ہے۔ اس طرح ستپال تالان بی جے پی امیدوار امیت چودھری کے خلاف مقابلہ کریں گے۔

پارٹی کے خلاف بغاوت کے معاملے پر ستپال تالان نے کہا کہ پارٹی کو ضروری نہیں تھا کہ مجھے ٹکٹ دیا جائے۔ علاقے سے بھارتیہ جنتا پارٹی کے کسی کارکن کو ٹکٹ دیا جاتا۔ باہری امیدوار لا کر ہم لوگوں پر مسلط کر دیا گیا ہے۔ بی جے پی کے ہزاروں کارکن سالوں سے جیور کے علاقے میں کام کر رہے ہیں۔ اگر ہم اپنے گاؤں میں پنچایت انتخابات بھی نہیں لڑ سکتے تو پھر سیاست کرنے کا کیا مقصد ہوگا؟ مقامی کارکنوں سے مشورہ کے بعد ہم نے الیکشن لڑنے کا فیصلہ کیا ہے۔