اترپردیش کے وزیر اعلی یوگی آدتیہ ناتھ کی جانب سے اراضی ما فیاؤں اور غیر قانونی طریقے سے تعمیرات کے خلاف چلائی جا رہی خصوصی مہم کو جاری رکھتے ہوئے آج ریاست کے ضلع مظفر نگر میں مظفر نگر ڈیولپمنٹ اتھارٹی کی طرف سے بغیر اجازت قومی شاہراہ پر غیر قانونی طریقے سے تعمیر کی جا رہی دو شادی ہالوں کو سیل کر دیا گیا ہے۔
Seized illegal property in Muzaffarnagar
مظفر نگر ڈیولپمنٹ اتھارٹی کی ٹیم نے پولیس فورس کے ساتھ پہلے دہلی دہرادون قومی شاہراہ 58 پر گپتا ریزورٹس کے پاس غیر قانونی طریقے سے تعمیر کئے جا رہے بینکٹ ہال کو سیل کر دیا گیا،اسکے بعد مظفر نگر ڈیولپمنٹ اتھارٹی کی اجازت کے بغیر شہر کے کوتوالی علاقے کے چارتھوال روڈ پر غیر قانونی طور پر کروڑوں کے صرفہ سے زیر تعمیرایک اور بینکٹ ہال کو سیل کیا گیا۔
مزید پڑھیں:Muzaffarnagar Development Authority: مظفرنگر میں انہدامی کارروائی
چیف ڈویلپمنٹ آفیسر ادیتیا پرجاپتی نے کہا کہ غیر قانونی طریقے سے کی جارہی تعمیرات کے خلاف وزیراعلی کی ہدایت پر چلائی جا رہی مہم کو آگے بڑھاتے ہوئے مظفرنگر ڈویلپمنٹ اتھارٹی کی جانب سے غیر قانونی طریقے سے کی جارہی تعمیرات پر کارروائیاں جاری ہیں۔ آج بھی مختلف علاقوں میں غیرقانونی طریقے سے کی جا رہی زیر تعمیر سرگرمیوں کے خلاف کاروائی کی گئی ہے۔