ریاست اترپردیش کے ضلع رامپور کی تحصیل بلاسپور میں تھانہ بلاسپور پولیس نے اسلحہ بنانے والی ایک فیکٹری کا پردہ فاش کیا ہے۔ پولیس نے اس معاملے میں غیر قانونی اسلحہ فیکٹری چلانے والے ایک ہسٹری شیٹر کو گرفتار کیا ہے۔
پولیس نے فیکٹری سے کئی تیار شدہ اور نصف تیار شدہ طمنچوں کے ساتھ اسلحہ بنانے کے آلات بھی برآمد کیے ہیں۔
پولیس نے بتایا ہے کہ ملزم کی جرائم کی تاریخ کافی طویل ہے۔
رامپور ضلع کے بلاسپور تھانہ پولیس نے مخبر کی اطلاع کی بنیاد پر ڈنڈیا کے جنگل میں چھاپہ مار کر وہاں چل رہی غیر قانونی اسلحہ فیکٹری کا پردہ فاش کیا ہے۔
پولیس نے بتایا کہ ملزم صغیر ڈنڈیا گاؤں کے جنگل میں غیر قانونی طریقے سے اسلحہ فیکٹری چلاتا تھا۔
پولیس نے موقع سے چار دیسی طمنچے 12 بور، 3 نصف تیار شدہ طمنچے 315 بور، 4 نصف تیار شدہ 12 بور، 6 زندہ کارتوس 12 بور، اور اسلحہ بنانے کے آلات بھی برآمد کیے ہیں۔
پولیس نے مزید جانکاری دیتے ہوئے بتایا کہ گرفتار ملزم پر پہلے سے ہی 7 مقدمات درج ہیں۔