لکھنو میں بھوک سے نجات مہم

ریاست اترپردیش کے دار الحکومت لکھنو میں بھوک سے نجات مہم کے تحت آل انڈیا پیام انسانیت فورم نے ملک بھر کے تین سو شہروں میں بھوکوں کو کھانا کھلایا۔ Food provided to needy persons in Lucknow

لکھنو: آل انڈیا پیام انسانیت فورم نے ہنگر فری انڈیا بھوک سے آزاد بھارت مہم کے تحت ملک بھر کے تین سو سے زائد شہروں میں بھوکوں اور ضرورت مندوں کو کھانا کھلایا۔ فورم کی لکھنو یونٹ نے کئی ہسپتالوں میں کھانا کھلایا جس میں مریض و تیمار دار بھی شامل رہے فورم کی اس پہل کو نہ صرف ہسپتال عملہ نے سراہا بلکہ مریض اور تیمار داروں نے خوشی کا اظہار کیا۔

شفیق چوہدری کی سرپرستی میں بلرام پور ہاسپٹل میں کھانا کھلایا گیا اور مولانا ارشد علی ندوی کی نگرانی میں کنگ جارج میڈیکل یونیورسٹی میں کھانا تقسیم کیا گیا۔ اس موقع پر گنگا جمنی تہذیب کی شاندار مثال بھی دیکھنے کو ملی اس طرح سے کہ فورم کے ذمہ داروں کی پنڈت ونود کمار شاستری سے ملاقات ہوئی جو کہ تقریبا 24 گھنٹے سے بھوکے تھے اور روتے ہوئے کہنے لگے 24 گھنٹے کے بعد اب کھانا کھانے کو ملا ہے اپ لوگوں کو پالنہار خوش رکھے، بھگوان آپ لوگوں کا بھلا کرے۔

مرزا اسرار حسین نے ان کو بلرام پور ہسپتال میں لے جاکر شریک کروایا جس کے وہاں ہسپتال عملہ اور خود پنڈت کو حیرانی ہوئی کہ ایک ہندو مذہبی رہنما پنڈت کو مسلمان ایڈمٹ کروا رہے ہیں۔ سب نے مرزا کے کام کی ستائش کی۔ مفتی ابو القاسم ندوی نے کہا کہ ساتھیوں آپ سبھی سے گزارش ہے اب ہمیں بھوک کے خلاف ایک جنگ چھیڑنی پڑے گی اور اپنی حسب استطاعت بھوکوں کو کھانا کھلانے کی کوئی کسر نہیں چھوڑنی ہے۔ اس سے معاشرے کو بہتر بنانے میں ایک اہم کردار ادا کر سکتےہیں۔

واضح رہے کہ آل انڈیا پیام انسانیت فورم لکھنو متعدد ہسپتالوں میں مریضوں کی تیمارداری خون عطیہ کیمپ مریضوں کے مابین ضرورت کے سازو سامان تقسیم کرنا عوامی مقامات پر شجرکاری اور غریب اور ملین بستیوں میں میڈیکل کیمپ کے انعقاد کرنے پر خصوصی توجہ ہوتی ہے۔