عقیدت مند ملک بھر سے بڑی تعداد میں یہاں پہنچ کر نذرانہ عقیدت پیش کرنے کے ساتھ ہی آپسی محبت اور بھائی چارے کا درس حاصل کر رہے ہیں۔
رامپور کے طوپ خانہ میں واقع حضرت حاجی محمدی کی درگاہ پر عرس کا آغاز بعد نماز ظہر قرآن خوانی سے ہوا اور درگا پر عقیدت مندوں نے چادر پوشی کی رسم ادا کی۔
علماء نے حضرت کی حیات و خدمات پر روشنی ڈالتے ہوئے کہا کہ حاجی محمدی کی پوری زندگی رضائے الہی اور فلاح انسانیت میں گزری۔
انہوں نے عام انسانوں تک خدا کا پیغام پہنچانے کے لیے کافی مشقتوں اٹھائیں۔
حاجی محمدی کی شخصیت میں جو ایک چیز کافی نمایاں تھی وہ تھی خدمت خلق۔ وہ بلا تفریق مذہب و ملت ہر ایک کے کام آتے تھے۔
اس موقع پر درگاہ کے خادم مسرور میاں اکرم نے ان کے انسانی رشتوں اور ہمدردیوں کا تذکرہ کرتے ہوئے کہا کہ حاجی صاحب نے لوگوں کے لیے پانی کا زبردست نظم کر رکھا تھا جہاں وہ خود ہی بلا تفریق مذہب و ملت لوگوں کو پانی دیتے تھے۔