ہندو مہا سبھا کے ریاستی صدر کا قتل

اترپردیش کے دارالحکومت لکھنؤ کے حضرت گنج علاقے میں صبح ٹہلنے کے لئے نکلے ہندو مہاسبھا کے ریاستی صدر رنجیت بچن کو دو بائک سواروں نے 'سی ڈی آر آئی' کے پاس گولی مار کر ہلاک کر دیا۔

پولیس نے جائے واقعہ پر پہنچ کر لاش کو قبضے میں لینے کے بعد پوسٹ مارٹم کے لیے بھیج دیا ہے اور سخت بندوبست کر دیا ہے۔

پولیس حملہ آوروں کو تلاش کر رہی ہے۔

یہ واقعہ صبح میں قریب چھ بجے کا بتایا جا رہا ہے۔ رنجیت بچن اپنے ایک دوست آشیش شریواستو کے ساتھ صبح ٹہلنے نکلے تھے۔

جانکاری کے مطابق جب رنجیت گلوب پارک سے نکل رہے تھے، تبھی بائک سوار بدمعاشوں نے ان کے سر پر گولی مار دی۔ اس واردات میں ان کے دوست آشیش بھی زخمی ہوئے ہیں جن کا علاج ٹراما سینٹر میں جاری ہے۔

رنجیت بچن او سی آر بلڈنگ کے بی بلاک میں رہتے تھے۔ ان کا آبائی شہر گورکھپور تھا۔ تادم تحریر قتل کی وجہ کا پتہ نہیں چل سکا ہے۔