ہندو مہاسبھا نے بھی اناؤ سانحہ کی سی بی آئی سے جانچ کا مطالبہ کیا

ہندو مہا سبھا کے نائب صدر پنڈت اشوک نے ای ٹی وی بھارت سے بات چیت کے دوران کہا 'یہ حادثہ سوچی سمجھی سازش کے تحت کرایا گیا ہے، یہی وجہ ہے کہ حفاظتی گارڈ کو پہلے کار سے اتار دیا گیا تھا اس کے بعد یہ حادثہ ہوا جس میں متاثرہ کے دو رشتے دار ہلاک ہوگئے جبکہ متاثرہ سمیت اس کے وکیل زخمی ہیں'۔

اترپردیش کے معروف اناؤ گینگ ریپ کیس کی متاثرہ کے اہل خانہ کے دو افراد اتوار کو ایک سڑک حادثےمیں ہلاک ہوگئے اور متاثرہ سمیت وکیل بھی شدید طور پر زخمی ہوئے ہیں۔

ہندو مہا سبھا کے نائب صدر پنڈت اشوک نے ای ٹی وی بھارت سے بات کرتے ہوئے کہا کہ یہ حادثہ سوچی سمجھی سازش کے طور پر کرایا گیا ہے، یہی وجہ ہے کہ حفاظتی گارڈ کو پہلے کار سے اتار دیا گیا تھا اس کے بعد یہ حادثہ ہوا جس میں متاثرہ کے دو رشتے دار ہلاک ہوگئے جبکہ متاثرہ سمیت اس کے وکیل زخمی ہیں۔

انہوں نے کہا کہ ہندو مہاسبھا اس حادثے کی سی بی آئی جانچ کا مطالبہ کر رہی ہے اور سبھی تفتیشی ایجنسیوں کے ذریعے اس کی گہری جانچ کراکر اس پر سخت کاروائی کی جائے۔

غور طلب ہے کہ اناؤ گینگ ریپ کیس میں بی جے پی ممبر اسمبلی کلدیپ سنگھ سینگر پر الزام لگنے کے بعد سے ہی متاثرہ کے اہل خانہ کے ساتھ مسلسل حادثات ہو رہے ہیں۔

متاثرہ کے چچا جیل میں بند ہیں،والد کی پراسرار طریقے سے موت ہوگئی ابھی اس کے بعد والد کی موت کے چشم دید گواہ کی بھی موت ہو گئی اب چچی اور خالہ بھی حادثے میں ہلاک ہوگئی ہے۔

فی الحال حزب اختلاف سیاسی جماعتیں اس معاملے پر سوال اٹھا رہی ہیں اور سی بی آئی جانچ کا مطالبہ کر رہی ہیں