ریاست اترپردیش کے مراداباد میں ایم آئی ٹی کالج کے میدان میں دیویگیا کیئر ایٹ اینڈ فلائی فیسٹیول کے تحت دیویگیا کیئر ویلنیس فاؤنڈیشن کی طرف سے عام لوگوں کو ہیلی کاپٹر سے ہوائی سفر کرا رہی ہے یہ فیسٹیول 6 نومبر سے شروع ہوکر 12 نومبر تک چلے گا۔
عام آدمی کے لیے ہیلی کاپٹر کی سیر صرف 3500 روپے میں مرادآباد کے ایم آئی ٹی کالج میں لوگ اپنی فیملی کے ساتھ آ رہے ہیں اور ہیلی کاپٹر سے ہوائی سفر کر رہے ہیں۔ ہوائی سفر کرنے کے لئے ایک شخص کا ٹکٹ 3500 روپے ہے۔ ٹکٹ لے کر آپ 15 سے 16 کلومیٹر کا سفر ہیلی کاپٹر سے دس منٹ میں کر سکتے ہیں۔ یہی وجہ ہے کہ لوگ آ رہے ہیں اور فیملی کے ساتھ ہیلی کاپٹر سے ہوائی سیر کا لطف اٹھا رہے ہیں۔
اس فیسٹیول کو کرائے جانے کا مقصد ان لوگوں کے لئے ہے جو غریب بے سہارا مظلوم اور معذور ہیں، اس فیسٹیول سے جمع ہونے والی رقم لوگوں کی مدد کے لیے استعمال کی جائے گی۔
عام آدمی کے لیے ہیلی کاپٹر کی سیر صرف 3500 روپے میں اطلاعات کے مطابق چیرٹی کے لیے لوگوں کو ہوائی سفر کرایا جا رہا ہے۔ مراد آباد میں یہ پہلا ایسا موقع ہے جہاں پر عام افراد اپنے ہی شہر میں ہیلی کاپٹر سے ہوائی سفر کر رہے ہیں۔
بات چیت کے دوران کچھ لوگوں نے بتایا کی زندگی میں پہلی بار ہوائی سفر کیا اور بہت لطف آیا ہم نے کبھی سوچا بھی نہیں تھا کہ اپنے ہی شہر میں ہم ہوائی سفر کر سکیں گے ہمارے لیے یہ سفر ایک یادگار سفر رہا۔