بارہ بنکی: کورونا وائرس کے ممکنہ اضافے کے پیش نظر محکمہ صحت مستعد

موسم میں تبدیلی کے ساتھ کووڈ-19 کے معاملات میں ممکنہ اضافے کے پیش نظر ریاست اتر پردیش کے بارہ بنکی کا محکمہ صحت مکمل طور سے تیار ہے۔ ضلع میں کورونا پازیٹو رپورٹ زیادہ تر نیگیٹو نکل رہی ہیں، لیکن اس کے باوجود وہ مکمل طور سے تیار ہیں اور مشکل سے مشکل صورتحال میں اب انہیں کام کرنے کا تجربہ ہو چکا ہے۔

بارہ بنکی کے چیف میڈکل افسر وائی کے ایس چوہان نے بتایا کہ کچھ حلقوں میں کووڈ-19 کے معاملات میں اضافے کے امکان ضرور ہیں، لیکن بارہ بنکی کی حالت اطمینان بخش ہے۔

انہوں نے بتایا کہ یہاں مسلسل ہو رہے ٹیسٹ کی رپورٹ زیادہ تر منفی آ رہی ہیں۔اور اس کے باوجود ہم مکمل طور سے تیار ہیں۔

انہوں نے کہا کہ ہم نے اس وقت میں بہتر کام کر کے دکھایا، جب کووڈ-19 کے مریضوں کی تعداد زیادہ تھی۔

انہوں نے کہا ہماری تمام مشینری پہلے کی طرح کام کر رہی ہے۔ ہمیں بس اسے اور ایکٹیویٹ کرنے کی ضرورت ہے۔ اگر مستقبل میں اس قسم کی صورتحال پیش آتی ہے تو ہم اس کے لئے تیار ہیں۔

انہوں نے کہا کسی بھی صورتحال میں کام کرنے کے لئے ہم مکمل طور سے تیار ہیں۔