ضلع ہردوئی کے جے پوری اسکول میں ضلع لیگل سروس اتھارٹی کی جانب سے ایک پروگرام کا انعقاد کیا گیا جس میں طلباء کو قانون کے بارے میں معلومات فراہم کی گئی۔
اس پروگرام میں خاتون جج نے تمام طلباء کو ان کے بنیادی حقوق و ملک کے مختلف قوانین کے بارے میں معلومات فراہم کی۔
قانونی باتوں کو سننے کے لیے طلباء میں کافی جوش دیکھا گیا، جبکہ اس پرگرام میں جنرل نالج کوئز کمپٹیشن بھی منعقد کیا گیا جس کے ذریعے پروگرام انتظامیہ کو اس بات کی جانکاری ہوئی کہ طلباء بنیادی حقوق کے بارے میں کتنی معلومات رکھتے ہیں۔
دوران پروگرام طلباء کو مختلف حکومتی اسکیمز کے بارے میں بھی بتایا گیا جبکہ ایمرجنسی فون نمبرز کے بارے میں بھی انہیں معلومات فراہم کی گئی۔