لڑکا اور لڑکی کی لاش پیڑ پر لٹکی ملی

ریاست اترپردیش کے ضلع سکندر راؤ کے گوس گنج علاقے میں لڑکے اور لڑکی کی لاش درخت سے لٹکی ملی۔

اطلاعات کے مطابق دونوں بدھ سے لاپتہ تھے اور پولیس دونوں کی تلاش میں لگی ہوئی تھی۔ بتایا جارہا ہے کہ ان کے درمیان معاشقہ تھا۔
آج صبح گوس گنج علاقے کی 20 سالہ مونو اور شیشنگر علاقے کی 14 سالہ لڑکی کی لاش پیڑ سے لٹکی ملی۔
لڑکی کی ماں نے مونو کے خلاف لڑکی کو بھگا کر لے جانے کا مقدمہ درج کروایا ہے۔پولیس نے مونو کے بھائی اور والد کو گرفتار کرکے پوچھ گچھ کی ۔
حادثے کی جگہ سے خط بھی برآمد کیا گیا ہے ، جس میں لکھا ہے کہ مجھے شیشنگر علاقے کی رہاشی زیبا کے فون آتے تھے۔میرے موبائل سے ٹیلی فون نہیں کئے جاتے ہیں ۔میرے موبائل کو سرویلینس یا کسی دیگر ایجنسی سے جانچ کراسکتے ہیں۔اس کے گھر والوں کا شک غلط ہے ۔
ایس پی سدھارتھ شنکر نے بتایا ہے کہ خط پر 26 جون کی تاریخ لکھی ہے۔لاش کو پوسٹمارٹم کے لیے بھیجا گیا ہے ۔