میرٹھ میں گیس سیلینڈ سے بھرا ٹرک حادثے کا شکار
میرٹھ: ریاست اترپردیش کے ضلع میرٹھ کے سردھنہ تھانا علاقے میں واقع گنگ نہر پٹری پر بنائے گئے کانوڑ روڈ پر گزشتہ روز دوپہر میں دہلی سے دیوبند جا رہا انڈین گیس سیلینڈر سے بھرا ٹرک حادثے کا شکار ہو گیا۔ڈرائیور سامنے سے آرہی کار کو بچانے کی کوشش میں گنگ نہر میں ٹرک کے ساتھ جا گرا۔ ذرائع کے مطابق میرٹھ میں گزشتہ روز اس وقت بڑا حادثہ پیش آیا جب انڈین گیس کمپنی کے سیلینڈر سے بھرا ٹرک دہلی سے دیوبند جا رہا تھا راستے میں اٹرینا پل کے قریب سامنے سے آ رہی ایک کار کو بچاتے وقت ٹرک بے قابو ہو کر گنگ میں حادثے کا شکار ہو گیا۔حادثے کے وقت ٹرک ڈرائیور نے کسی طرح ٹرک سے کود کر اپنی جان بچائی لیکن ٹرک پوری طرح سیلینڈر کے ساتھ گنگ نہر میں غرق ہو گیا۔ حادثے کے وقت ٹرک میں قریب 342 سیلینڈر بتائیں جا رہے ہیں۔