گینگسٹر وکاس دوبے نے 3 سالوں میں 14 ممالک کا سفر کیا۔ وکاس دوبے کے تھائی لینڈ اور متحدہ عرب امارات میں پینٹ ہاؤسز ہیں۔ وہیں دبئی اور تھائی لینڈ میں اور بھی بہت سی جائیدادیں وکاس دوبے کے نام پر ہیں۔
کہا جاتا ہے کہ تھائی لینڈ اور متحدہ عرب امارات میں وکاس دوبے کے پینٹ ہاؤس کی قیمت 30 کروڑ ہے۔ حال ہی میں وکاس دوبے نے لکھنؤ میں بھی ایک مکان خریدا تھا۔ لکھنؤ کے مکان کی قیمت 20 کروڑ بتائی گئی ہے۔
وکاس دوبے کے کانپور میں بھی بہت سے مکانات ہیں۔ وہیں پنکی میں وکاس دوبے کی ڈوپلیکس کوٹھی ہے۔ وکاس دوبے کے نام پر کل 11 مکانات اور 16 فلیٹز ہیں۔
بتادیں کہ گینگسٹر وکاس دوبے کے انکاؤنٹر کے بعد ای ڈی نے ان کی جائیداد کی چھان بین شروع کردی ہے۔ آئی جی رینج کانپور سے وکاس دوبے کی جائیداد کی تفصیل طلب کی گئی ہے۔ ایس ٹی ایف نے وکاس دوبے کو مالی مدد فراہم کرنے والے جئے واجپئی کی گرفتاری میں لگ گئی ہے۔
