راحت اندوری کے انتقال پر جوہر کانپوری کا اظہار رنج و غم

ایک خاص لب و لہجہ کے عالمی شہرت یافتہ شاعر کے انتقال کے بعد اردو دنیا میں غم کا ماحول ہے۔ کانپور میں راحت اندوری کے دوست جوہر کانپوری نے بھی ان کی موت پر صدمہ کا اظہار کیا ہے۔

راحت اندوری کا جوہر کانپوری سے پرانا تعلق تھا اور ان دونوں نے کافی مشاعروں میں کلام پڑھا اور متعدد مرتبہ ایک ساتھ سفر کیا تھا۔

راحت اندوری، جوہر کانپوری کے خاص دوست تھے اور وہ بے تکلف جوہر کانپوری کے گھر میں ٹھہرا کرتے تھے اور جوہر کانپوری بھی بے تکلف اندور میں راحت اندوری کے مکان جایا کرتے تھے۔

جوہر کانپوری، راحت اندوری کے ساتھ گذرے لمحات کو یاد کرکے دکھ کا اظہار کررہے ہیں۔