رامپور: ریاست اترپردیش کے ضلع رامپور میں واقع گورنمنٹ خورشید گرلز انٹر کالج میں طالبات کے لیے ہاسٹل کا قیام کیا گیا ہے۔ جہاں طالبات تعلیم کی بہتر سہولیات حاصل کرنے لیے ہاسٹل میں رہ سکیں گی۔ تعلیمی نظام کو بہتر بنانے والے اس اقدام سے نصف آبادی کی ترجمانی کرنے والی طالبات کی تعلیم میں آ رہی دشواریاں اب دور ہوں گی۔ طالبات اب ہاسٹل میں رہ کر آئندہ کی تعلیم بغیر کسی دشواری کے جاری رکھ سکیں گی۔ Free hostel for female students in Government Khurshid Inter College Rampur
خورشید انٹر کالج کی پرنسپل ڈاکٹر سنگیتا گپتا نے بتایا کہ 'لڑکیوں کو تعلیم کے میدان میں مضبوط بنانے کی سمت میں خورشید انٹر کالج میں ہاسٹل کی سہولت دی جائے گی۔ انہوں نے کہا کہ 'ہاسٹل نہیں ہونے کی وجہ سے دور دراز سے آنے والی معاشی طور پر طالبات کو دشواریاں پیش آتی تھیں یا وہ اپنی تعلیم درمیان میں ہی منقطع کر دیتی تھیں۔ انہوں نے کہا کہ 'یہاں طالبات کو بالکل مفت میں ہاسٹل کی سہولت دی جائے گی۔'