دیوبند میونسپل بورڈ ملازم کے خلاف دھوکہ دہی کا مقدمہ درج

میونسپل بورڈ دیوبند کے ایک ملازم کے خلاف سرکاری رقم کو اپنے بیٹے کے اکاؤنٹ میں جمع کرانے کا الزام عائد کیاگیا ہے۔ پولیس نے تحریری شکایت کے بعد دھوکہ دہی کا مقدمہ درج کرلیا ہے۔

تفصیلات کے مطابق دیوبند میونسپل بورڈ کے ایک کلرک کے خلاف بورڈ کے اکاونٹنٹ نے ایک شکایت درج کرائی جس میں کہا گیا ہے کہ ’کلرک نے سرکاری رقم کو اپنے بیٹے کے بنک اکاونٹ میں جمع کیا ہے۔

پولیس نے کلرک کے خلاف دھوکہ دہی کے مختلف دفعات کے تحت مقدمہ درج کیا ہے۔ اکاونٹنٹ ستیندر جین کی شکایت کے بعد پولیس نے ہیلتھ مشن، تعمیرات اور بجلی محکمہ میں کام کرنے والے ایک کلرک سندر لال کے خلاف مقدمہ درج کرلیا ہے جبکہ ان پر سرکاری رقم کو نجی کھاتے میں جمع کرانے کا الزام عائد کیا گیا ہے۔

چیف اکاونٹنٹ کی تحریر کی شکایت کے بعد پولیس نے کلرک کے خلاف دھوکہ دہی کے علاوہ مختلف دفعات کے تحت معاملہ درج کرلیا ہے۔