ریاست اتر پردیش کے سابق وزیر اعلیٰ کلیان سنگھ کی نواسی اور داماد نے اپنی جان کا خطرہ بتاتے ہوئے حکومت سے سکیورٹی کا مطالبہ کیا ہے۔ وہیں حکومت نے معاملے کو سنجیدگی سے لیا ہے اور سکیورٹی فراہم کرنے کا فیصلہ کیا ہے۔
کلیان سنگھ کی نواسی نے گزشتہ دنوں اپنی کار پر ہوئے حملے کا حوالہ دیتے ہوئے ایڈیشنل چیف سکریٹری (ہوم) سے جان و مال کے نقصان کا امکان خدشہ ظاہر کیا ہے حالانکہ اس واقعہ کی ایف آئی آر کسی بھی تھانے میں درج نہیں کی گئی ہے۔
واضح رہے کہ کچھ عرصہ پہلے کلیان سنگھ کی نواسی اپنے شوہر کے ساتھ ایک کار میں کہیں جارہی تھی۔ اسی دوران بازار میں سامان لینے کے لئے وہ دونوں کار سے اترنے جارہے تھے۔ اسی دوران ان کی کار پر حملہ ہوا۔
انہوں نے ڈر کا اظہار کرتے ہوئے لکھا کہ اگر ہم دونوں کار میں ہوتے تو جان و مال کا خطرہ یقینی تھا۔ اس واقعے کے بعد سے بہت زیادہ خوف تھا۔ واقعے کی ایف آئی آر نہیں کی گئی تھی، لیکن سی سی ٹی وی فوٹیج ایل آئی یو میں دیے گئے ہیں۔
رکن پارلیمنٹ راجویر سنگھ راجو نے بھی بیٹی اور داماد کی جان کو خطرہ ہونے کا خدشہ ظاہر کرتے ہوئے حکومت کو ایک خط بھیجا تھا۔ جس کے بعد جوائنٹ سکریٹری آف گورنمنٹ سنیل کمار نے علی گڑھ کے ضلع مجسٹریٹ اور ایس ایس پی کو خط بھیج کر تین ماہ کے لیے انہیں سکیورٹی فراہم کرنے کی گزارش کی ہے۔