مظفرنگر: منشیات کے ساتھ پانچ افراد گرفتار

مظفرنگر کوتوالی پولیس کو اس وقت بڑی کامیابی ملی جب انہوں نے پانچ جم آپریٹرز کو گرفتار کیا۔ جن کے پاس سے ممنوعہ منشیات برآمد ہوئے ہیں۔

ریاست اترپردیش کے ضلع مظفرنگر میں پولیس نے ممنوعہ منشیات کے ساتھ پانچ افراد کو گرفتار کیا ہے۔

ضلع مظفرنگر کے پولیس لائن آڈیٹوریم میں ایس ایس پی ابھیشیک یادو نے پریس کانفرنس میں بتایا کہ ضلع مظفرنگر میں پولیس کو مسلسل شکایات مل رہی تھیں کہ ضلع میں جم آپریٹرز نوجوانوں کی باڈی بنانے کے نام پر ممنوعہ طاقتور دوائیں دے کر اُن کے مستقبل کے ساتھ کھیل رہے ہیں۔ جس کی وجہ سے شہر تھانہ پولیس نے متعدد علاقوں میں چھاپہ مار کر پانچ افراد کو گرفتار کیا ہے۔ جن کے پاس سے پولیس نے پروٹین فروشوں سے کالعدم پاور بوسٹر اور ممنوعہ منشیات برآمد کی ہیں۔

مظفرنگر میں منشیات کے ساتھ پانچ افراد گرفتار

پولیس کا مزید کہنا ہے کہ یہ ممنوعہ دوائیاں کم قیمت میں خریدتے تھے اور زیادہ قیمت پر فروخت کرتے تھے۔

اسی کے چلتے پانچ جم آپریٹرز کو گرفتار کیا گیا ہے اور ان سے پوچھ گچھ کی جارہی ہیں کہ وہ یہ دوائیاں کہاں سے حاصل کرتے ہیں اور کس کس جم پر یہ دوائیاں فروخت کی جاتی ہیں۔