سافٹ ویئر انجینئر پر فائرنگ، حالت نازک

اترپردیش کے ضلع بستی کے چھاونی علاقے کے چوکڑی گاؤں میں ایک سافٹ ویئر انجینئر کو موٹرسائیکل سوار بدمعاشوں نے اس کے گھر پر گولی مار کر زخمی کر دیا۔

پولیس ذرائع نے سنیچر کو بتایا کہ کل دیر رات انجینئر کو اس کے گھر میں گولی مار دی گئی۔ انہیں نازک حالت میں لکھنؤ کے کنگ جارج میڈیکل یونیورسٹی میں داخل کرایا گیا ہے۔

چھاونی علاقے کے چوکڑی گاؤں باشندہ اجت مشرا (26) گذشتہ رات گھر کے برآمدےمیں بیٹھے ہوئے تھے۔ اسی وقت موٹر سائیکل سوار تین بدمعاش آئے اور ان پر فائرنگ کر کے فرار ہوگئے۔ گولی ان کے سر میں لگی ہے۔

اجیت مشرا نوئیڈا کے پرائیویٹ کمپنی میں سافٹ وئیر انجینئر کے عہدے پر کام کررہے ہیں۔ لاک ڈاؤن کی وجہ سے اپنے آبائی گاؤں آئے تھے۔ حملے کی وجوہات کا پتہ نہیں چل سکا ہے۔