پولیس اُن بدمعاشوں کا پیچھا کرتے ہوئے گاؤں سینپور کے قریب ان کو گھیرے میں لیا اور دونوں جانب سے فائرنگ شروع ہوگئی، جس میں ایک پولیس اہلکار اور ایک بدمعاش اور دیگر دو افراد زخمی ہو گئے۔ اندھیرے کا فائدہ اٹھا کر دوسرا بدمعاش فرار ہو گیا۔
چیکنگ کے دوران بدمعاشوں نے پولیس پر فائرنگ کی، دیکھیں ویڈیو بدمعاشوں کے پاس سے ایک موٹر سائیکل چار طمنچے اور زندہ کارتوس برآمد ہوئی ہے۔ زخمی سپاہی اور بدمعاش کو دیوبند کے ہسپتال میں داخل کرایا گیا ہے۔ پولیس کا کہنا ہے کہ بدمعاش مظفرنگر کے رہنے والے ہیں اور غیرقانونی اسلحہ سپلائی کرنے کا کام کرتے تھے۔
سی او چوبے سنگھ نے بتایا کہ گھلولی چیک پوسٹ انچارج گاڑیوں کی چیکنگ کر رہے تھے، جس میں دو افراد جن کو روکا گیا لیکن وہ چیکنگ کے لیے نہیں رکے اور بھاگ نکلے۔ انہوں اس کی فوراً اطلاع دی۔ انسپکٹر دیوبند نے چیکنگ کرائی اور اُن بدمعاشوں کی گھیرا بندی شروع کر دی۔ نتارا فارم ہاؤس کے نزدیک دونوں بدمعاش غلط سائڈ پر مڑ گئے اور مین سڑک کو چھوڑ دیا اور پھر وہاں سے فائرنگ شروع کر دی۔ فائرنگ کے تبادلے میں ایک سپاہی کو گولی لگی ہے اور ایک بدمعاش کے پیر میں گولی لگی ہے۔
اطلاع ملی ہے کہ اس بدمعاش کا نام الیاس بن سمیع الدین ہے۔ جو مظفرنگر کا رہنے والا ہے۔ یہ دو بدمعاش تھے جن میں ایک فرار ہو چکا ہے۔ بدمعاشوں کے اوپر کتنے مقدمے ہیں ان کی تفتیش کی جا رہی ہے۔ بدمعاشوں کے پاس سے چار غیرقانونی اسلحے برآمد ہوئے ہیں۔
