کانپور میں آتشزدگی، درجنوں دکانیں خاکستر

ریاست اترپردیش کے کانپور میں ایک كچی بستی میں لگی شدید آگ سے درجنوں دکانیں اور جھونپڑیاں جل کر خاکستر ہوگئیں۔ آگ سے لاکھوں روپیے کا نقصان ہو گیا ہے۔

ای ٹی وی بھارت کے نمائندے کے مطابق کانپور کے بابوپروا تھانہ علاقے کے ایچ بلاک میں واقع کچی بستی میں اچانک شدید آگ لگنے سے لوگوں میں افراتفری مچ گئی۔

نمانمئندے نے بتایا کہ چند منٹوں کے اندر آگ نے پوری کچی بستی کو اپنی زد میں لے ليا جس کی وجہ سے ایک درجن سے بھی زائد جھوپڑیوں اور دکانیں جل کر راکھ ہو گی۔ نمائندے نے بتایا کہ محکمہ فائر اینڈ ایمرجنسی سروسز کے اہلکار جائے حادثے پر پہنچ گئے اور سخت مشقت کے بعد آگ پر قابو کیا۔

نمائندے نے بتایا کہ متاثرین نے ایک شخص پر ذاتی رنجش کے تحت آگ لگانے کا الزام لگایا ہے۔

پولیس نے معاملے کی تحقیقات شروع کر دی ہے۔