وزیراعلی یوگی آدتیہ ناتھ کو بم کی دھمکی

A bomb threat against UP Chief Minister Yogi Adityanath ریاست اترپردیش کے وزیراعلی یوگی آدتیہ ناتھ ایس ٹی ایف کے ڈائرکٹر کو بم سے اڑانے کی دھمکی دینے کا معاملہ سامنے آیا ہے۔ اس ضمن میں مقدمہ درج کرکے تحقیقات کا آغاز کردیا گیا ہے۔

لکھنؤ: اتر پردیش کے وزیر اعلی یوگی آدتیہ ناتھ، اسپیشل ٹاسک فورس (ایس ٹی ایف) کے ایڈیشنل ڈائریکٹر جنرل (اے ڈی جی) امیتابھ یش اور ایودھیا میں زیر تعمیر رام مندر کے خلاف بم کی دھمکی موصول ہوئی ہے۔ یہ دھمکی ای میل کے ذریعے بھیجی گئی تھی۔

دھمکی آمیز ای میل موصول ہونے کے بعد اتر پردیش کے ہیڈکوارٹر کے آپریشن کمانڈر ڈائل 112 کے انسپکٹر سہیندر کمار نے سوشانت گالف سٹی پولیس اسٹیشن میں مقدمہ درج کرایا ہے۔ یہ مقدمہ بھارتیہ کسان منچ کے قومی صدر دیویندر تیواری کی شکایت کی بنیاد پر درج کیا گیا ہے جنھیں ای میل موصول ہوئی تھی۔

انسداد دہشت گردی اسکواڈ (اے ٹی ایس) پولیس کے ساتھ اس معاملے کی تحقیقات میں سرگرم عمل ہے، اور ای میل بھیجنے والے شخص کا سراغ لگانے کی کوشش کی جارہی ہے۔ ایف آئی آر کے مطابق دیویندر تیواری کو زبیر خان نامی شخص کی ای میل آئی ڈی سے دھمکی بھیجا گیا تھا۔ اس ای میل میں زبیر نے خود کو آئی ایس آئی سے منسلک بتایا۔

ایف آئی آر درج ہونے کے بعد اے ٹی ایس اور ایس ٹی ایف کو معاملے کی تحقیقات کے لیے تعینات کیا گیا ہے۔ کئی تحقیقاتی ایجنسیوں نے ای میل بھیجنے والے شخص کا پتہ لگانے کی کوششیں شروع کر دی ہیں۔ دیویندر تیواری نے سوشل میڈیا پلیٹ فارم ایکس پر UP 112 کو ٹیگ کرکے معاملے کے بارے میں معلومات فراہم کیں۔

27 دسمبر کی شام کو زبیر خان کے نام سے دیویندر کو دھمکی آمیز ای میل بھیجا گیا تھا۔ دیویندر تیواری کو بھیجے گئے ای میل میں وزیر اعلیٰ یوگی آدتیہ ناتھ، ایس ٹی ایف کے اے ڈی جی امیتابھ یش، اور دیویندر تیواری کے خلاف بم کی دھمکی جاری کی گئی تھی، جس میں انہیں "گائے کا خادم" کہا گیا تھا۔ تیواری نے کہا کہ انہیں ماضی میں بھی ایسی ہی دھمکیاں مل چکی ہیں۔ انہوں نے کہا کہ اگرچہ مقدمہ درج کیا گیا ہے، لیکن ابھی تک کوئی ٹھوس کارروائی نہیں کی گئی ہے۔

( آئی اے این ایس )