اترپردیش کے ضلع بریلی میں میرا حق فاؤنڈیشن کی سربراہ فرحت نقوی نے اعلان کیا ہے کہ وہ رام مندر تعمیر میں شرکت کریں گی اور اُن کے ساتھ میرا حق فاؤنڈیشن سے وابستہ تمام طلاق متاثرین خواتین بھی شرکت کریں گی۔
اُنہوں نے کہا ہے کہ جب رام مندر کا تعمیری کام شروع ہوگا تو میرا حق فاؤنڈیشن اِس تعمیری کام میں تعاون کرتے ہوئے اینٹ لگانے کا کام کرے گی۔
اُنہوں نے مزید کہا ہے کہ بریلی اور اطراف میں میرا حق فاؤنڈیشن سے منسلک تمام طلاق متاثرین فاؤنڈیشن کے بینر کے زیر اہتمام رام مندر تعمیر میں بڑھ چڑھ کر شرکت کرنے والی ہیں۔
میرا حق فاؤنڈیشن کی بانی فرحت نقوی واضح رہے کہ بابری مسجد-رام جنم بھومی اراضی مسلۂ پر سپریم کورٹ کے دیے گئے فیصلے کا طلاق متاثرین خواتین نے استقبال کیا ہے۔
فرحت نقوی نے کہا ہے کہ' وہ سپریم کورٹ کے اس فیصلہ کا خیر مقدم کرتے ہیں اور اطمینان ظاہر کرتے ہیں کہ عدالت عظمٰی نے اس متنازعہ مسئلہ کا اپنی سطح سے فیصلہ کرکے دو بڑی قوموں کی درمیان ذہنی اور مذہبی فاصلہ کو کم کرنے کا کام کیا ہے۔
فرحت نقوی کا کہنا ہے اصل میں یہ فیصلہ دو فرقوں کے درمیان فتح اور شکست کا معاملہ نہیں ہے، بلکہ ملک کی عظمت کے حق میں فیصلہ ہے اور حب الوطنی کا فیصلہ ہے۔
اُنہوں نے مزید کہا ہے کہ فیصلہ آنے سے قبل عوام کے درمیان خوف کا ماحول تھا۔ لوگ ایک دوسرے کو حیرت اور شک کی نگاہ سے دیکھ رہے تھے، لیکن فیصلہ آنے کے بعد لوگوں کے دلوں میں فاصلے کم ہوئے اور سب نے اس فیصلہ کو تسلیم کرتے ہوئے استقبال کیا ہے۔
