پھانسی پر لٹکی لاش برآمد، چار ملزمان کے خلاف معاملہ درج

اترپردیش میں پرتاپ گڑھ ضلع کے تھانہ باگھرائے پولیس نے جمعہ کی شام مشتبہ حالات میں ایک شخص کی درخت پر لٹکتی لاش برآمد کرکے چار ملزمان کے خلاف قتل کا معاملہ درج کیا ہے۔

ایڈیشنل پولیس سپرنٹنڈنٹ مغربی دنیش دیویدی نے بتایا کہ جمعہ کو کمولی بیربھان پور گاوںمیں واقع باغ کے ایک درخت سے پھانسی پر لٹکتی ہوئی ایک 38 سالہ شخص کی لاش پائی گئی، جس کی شناخت بریندر عرف بچہ یادو کے طور پر کی گئی ہے ۔

متوفی دھنواسا منی کا پوروا گاوں کا باشندہ تھا۔ وہ جمعرات کی شام کسی کا فون آنے پر گھر سے نکلا تھا۔

اس کی لاش گھر سے ڈیڑھ کلو میٹر مسافت پر کمولی بیربھان پور گاوں میں واقع باغ کے ایک درخت سے لٹکتی ہوئی برآمد ہوئی تھی۔

اہل خانہ نے قتل کرکے پھانسی پر لٹکانے کا الزام عائد کیا ہے، ان کی شکایت پر پولیس نے ہفتہ کو گاوں کے ہزاری لال سمیت چار ملزمان کے خلاف قتل کا معاملہ درج کر کے تحقیقات شروع کر دی ہے۔