سابق ایم ایل اے کا بیٹا گولی لگنے سے ہلاک

مظفر نگر میں ایک نوجوان مشکوک حالت میں گولی لگنے سے ہلاک ہو گیا۔ متوفی نوجوان اپنے دوستوں کے ساتھ گھر میں بیٹھا تھا۔ جہاں اسے گولی لگ گئی اور اس کی موت واقع ہوگئی۔

ریاست اتر پردیش کے ضلع مظفرنگر میں سابق ایم ایل اے آنجہانی مول چند کے بیٹے کو گولی لگنے سے موت ہو گئی، یہ واقعہ نیو منڈی کے کوتوالی علاقے میں پریکرما راستے کا ہے، جہاں متوفی نوجوان اپنے دوستوں کے ساتھ گھر میں بیٹھا تھا۔

وہیں گولی لگنے کے بعد زخمی حالت میں اپیندر سنگھ کو ہسپتال ہینچایا، جہاں اس کی موت ہوگئی۔ پولیس واقعہ کی اطلاع پر پہنچی اور معاملے کی گہرائی سے تفتیش کر رہی ہے۔

متوفی اپیندر سنگھ سابق ایم ایل اے ٹھاکر مول چند کا بیٹا تھا۔ پولیس نے تحقیقات شروع کر لی ہے۔ وہیں موقع پر فورنسک ٹیم کو بھی طلب کیا گیا ہے۔ جس نے قریب سے اس منظر کی چھان بین کی۔

ہلاک ہونے والے اوپیندر کے والد آنجاہانی مول چند ماضی میں دو بار ایم ایل اے رہ چکے ہیں۔ سب سے پہلے سنہ 1974 میں کاندھلہ سے بھارتی کرانتی دل اور پھر سنہ 1977 میں تھانہ بھون سے جنتا پارٹی کے ایم ایل اے رہے ہیں۔

پولیس بھی اس معاملے کو مشکوک سمجھ رہی ہے اور پورے معاملے میں کنبہ کے افراد کی تحریر اور تفتیش کے بعد کارروائی کی بات کی ہے۔