ضلع میرٹھ میں بلاک سطح پر انٹر اور ڈگری کالج کا قیام

اقلیتی آبادی کی اکثریت والے علاقوں میں میرٹھ شہر کے علاوہ بلاک سطح پر انٹر اور ڈگری کالج کی ضرورت کافی وقت سے محسوس کی جا رہی تھی۔

پسماندہ طبقات کی بنیادی ضروریات سے متعلق سوالات کے تناظر میں اب پردھان منتری جن وکاس اسکیم کے تحت اقلیتی آبادی کے اکثریت والے شہر کے دو بلاک میں گرلز ڈگری کالج کی تعمیر کی راہ ہموار ہو گئی ہے۔

ریاست اترپردیش کے ضلع میرٹھ شہر اور بلاک کے علاقوں میں کافی وقت سے لڑکیوں کے لیے انٹر کالج اور ڈگری کالج کی ضرورت كو محسوس کیا جا رہا تھا اور وقت بوقت اس کا مطالبہ کیا جارہا تھا۔ اسی کا نتیجہ ہے کہ اب ڈگری کالج کے علاوہ انٹر کالج کی تعمیر کے لیے بجٹ بھی پاس ہو گیا ہے اور زمین بھی حاصل کر لی گئی ہے ، محکمہ اقلیتی فلاح کے افسران کا کہنا ہے کہ یہ پروجیکٹ بالخصوص اقلیتی طبقے کی غریب لڑکیوں کے لیے کافی فائدہ مند ثابت ہوگا۔

ریاست اتر پردیش کے ضلع میرٹھ کی کل آبادی کا قریب 40 فی صد حصّہ اقلیتی آبادی سے تعلق رکھتا ہے ۔ایسے میں غریب بچیوں کی تعلیم بھی ایک اہم مسلہ تھا ۔لیکن حکومت اور اقلیتی افسراں کی کاوشوں سے ان اقلیتی لڑکیوں کے لیے بنائے جا رہے انٹر اور ڈگری کالج کے قیام سے ان بچیوں كو اعلی تعلیم حاصل کرنے میں اب پریشانیوں کا سامنا نہیں کرنا پڑے گا ۔