جمعرات کے روز مشتبہ خاتون کا نمونہ جانچ کے لئے بھیجا گیا تھا۔ جمعہ سہ پہر ضلع انتظامیہ اور محکمہ صحت کو ایک خاتون کے کورونا متاثر ہونے کی جانکاری ملی، جس کے بعد محکمہ صحت کی ایک ٹیم آگرہ کینٹ علاقے میں پہنچ گئی اور کورونا متاثر خاتون کے والد کے مکان کے ساتھ ہی قریب کے علاقے میں سروے اور سسینیٹائزر کرنے کا کام شروع کر دیا۔
واضح ہو کہ آگرہ کینٹ علاقہ پاشندہ نے اپنی بیٹی کی شادی تقریباً ایک ماہ قبل کی تھی، داماد بنگلورو میں نوکری کرتا ہے۔ ریلوے ملازم کی بیٹی اور داماد ابھی حال ہی میں اٹلی سے ہنی مون منا کر واپس لوٹے تھے۔
آگرہ میں کورونا متاثر کا ایک نیا معاملہ آگرہ کینٹ ریلوے اسپتال کی ڈاکٹر شوبھا دیال نے بتایا کہ جمعرات کو آگرہ کینٹ علاقے کی جس کرونہ مشتبہ خاتون کا نمونہ لیا گیا تھا وہ کورونا سے متاثر پائی گئی ہے۔ ہمیں ضلع انتظامیہ سے اس کے بارے میں جانکاری ملی ہے۔ اب ہم علاقے میں صفائی اور سینیٹائزر کے کام کو انجام دے رہے ہیں۔ کورونا متاثرہ خاتون یہاں کی نہیں ہے، وہ اپنے شوہر کے ساتھ بنگلور میں رہتی ہے۔ بنگلورو میں ان کے شوہر کورونا مثبت پائے گئے۔ اس کے بعد کورونا متاثر خاتون یہاں اپنے والد کے گھر آئی۔ عورت کے کنبے میں لوگوں کو الگ تھلگ کیا جارہا ہے۔ اس کے ساتھ ہی خاندان کا جو بھی شخص کسی بھی محکمہ یا شعبہ میں کام کرتا ہے اسے چھٹی پر بھیج دیا گیا ہے۔
آگرہ میں کورونا متاثر کا ایک نیا معاملہ ڈسٹرکٹ ملیریا افسر ڈاکٹر آر کے دکشت نے بتایا کہ محکمہ صحت کی مختلف ٹیم یہاں سینیٹائزر کا کام انجام دے رہی ہیں۔ لوگوں کے گھروں کے سروے کئے جا رہے ہیں۔ خاتون کے پورے کنبے کو 14 دن دوسرے لوگوں سے الگ رکھا جائے گا۔ مکان کی صفائی بھی کی جارہی ہے۔ ہماری ٹیم ڈور ٹو ڈور سروے کر رہی ہے۔
