مرادآباد: ڈاکٹر ایس ٹی حسن نےعیدالاضحیٰ کی مبارکباد پیش کی

ریاست اترپردیش میں مرادآباد کے ایم پی ڈاکٹر ایس ٹی حسن نے عیدالاضحیٰ کے موقع پر عوام کو مبارک باد پیش کرتے ہوئے کہا کہ عیدالاضحٰی کا تہوار قربانی کا تہوار ہے اس موقع پر مسلمان اللہ کے لیے قربانی کرتے ہیں۔

سماج وادی پارٹی کے رکن پارلیمان ڈاکٹر ایس ٹی حسن نے کہاکہ برائیوں کے خاتمہ کےلیے اپنی ہردلعزیز چیز کو قربان کردینا عیدالاضحیٰ کا اصل پیغام ہے۔

انہوں نے عوام سے اپیل کی کہ موجودہ صورتحال کے پیش نظر قربانی اپنے گھروں میں ہی کریں اور حکومت کے ضوابط پر عمل کریں۔ انہوں نے کہا کہ ایسا کوئی کام نہ کریں جس سے دوسروں کو تکلیف ہو۔ عیدالاضحیٰ کا تہوار بھائی چارگی، پیار اور محبت کا درس دیتا ہے۔