Eid Milan Program In Saharanpur: مشہور شاعر ڈاکٹر نواز دیوبندی کی جانب سے عید ملن تقریب کا اہتمام

اتر پردیش کے سہارنپور میں "محبت زندگی ہے" کے عنوان سے عید ملن تقریب Eid Milan Program کا انعقاد کیا گیا۔ اس موقع پر ضلع مجسٹریٹ اکھلیش سنگھ نے بطور مہمان خصوصی شرکت کی۔Eid Milan Program In Saharanpur

سہارنپور: نامور شاعر ڈاکٹر نواز دیوبندی Famous Poet Dr Nawaz Deobandi کی جانب سے بائی پاس روڈ پر واقع نواز گرلز پبلک اسکول میں "محبت زندگی ہے" کے عنوان سے عید ملن تقریب کا انعقاد کیا گیا، جس میں ضلع مجسٹریٹ اکھلیش سنگھ نے بطور مہمان خصوصی شرکت کی۔ اس دوران تمام طبقات کے لوگوں نے ہندو مسلم بھائی چارے اور ملک کے اتحاد و سالمیت کو مضبوط بنانے پر زور دیا اور کہا کہ تہوار باہمی مفاہمت کا ذریعہ ہیں، تمام تہوار ایک دوسرے سے محبت اور باہمی ہم آہنگی کو بڑھانے کا پیغام دیتے ہیں۔

اس موقع پر ضلع مجسٹریٹ اکھلیش سنگھ نے کہا کہ تہوار ہماری روایت اور ملک کے اتحاد اور سالمیت کو مضبوط کرتے ہیں، ہمیں تمام تہواروں کو ایک ساتھ منانا چاہئے اور باہمی محبت سے ملک کو مضبوط کرنا چاہئے۔ انہوں نے معروف شاعر ڈاکٹر نواز دیوبندی کی جانب سے عید ملن کی تقریب کا انعقاد کرکے باہمی ہم آہنگی کو فروغ دینے کی تعریف کی۔ اس دوران پروگرام کے کنوینر معروف شاعر ڈاکٹر نواز دیوبندی نے تمام مہمانوں کا شکریہ ادا کرتے ہوئے موجودہ حالات پر روشنی ڈالی۔ Eid Milan Program In Saharanpur

معروف شاعر ڈاکٹر نواز دیوبندی نے کہا کہ موجودہ حالات میں بڑھتی ہوئی دوری کو کم کرنے کے لیے ایسے پروگراموں کا انعقاد بہت ضروری ہے۔ نواز دیوبندی نے اپنے شاعرانہ انداز میں کہا کہ ہمارا مقصد ملک میں محبت اور امن کو مضبوط کرنا ہے اور گنگا جمنی تہذیب ہے، یہ پروگرام بھی اسی کڑی کا ایک حصہ ہے۔ اس دوران ایس ڈی ایم دیپک کمار، سی او درگا پرساد تیواری، تاجر رہنما ہلاش رائے سنگھل، بی جے پی لیڈر اور ڈسٹرکٹ کوآپریٹو بینک کے چیئرمین چودھری راجپال سنگھ وغیرہ نے بھی اپنے خیالات کا اظہار کرتے ہوئے ڈاکٹر نواز دیوبندی کی تعریف کی اور کہا کہ تمام مذاہب میں تہوار باہمی محبت اور ہم آہنگی بڑھانے کا پیغام دیتے ہیں۔ اس دوران شہر کی سرکردہ شخصیات موجود رہیں۔Eid Milan Program In Saharanpur