ریاست اُتر پردیش کے ضلع مظفر نگر کے تھانہ چرتھاول کے جنگلوں میں چیکنگ کے دوران دو بائک سوار شرپسندوں کو پولیس نے جب رکنے کا اشارہ کیا تو بدمعاشوں نے پولیس ٹیم پر فائر کر دی۔
فائرنگ کے بعد بدمعاشوں نے بھاگنے کی کوشش کی اس درمیان دونوں کے مابین تصادم شروع ہو گیا۔ اس انکاؤنٹر میں کلیم جس پر 10 ہزار کا انعام ہے پولیس کی گولی لگنے سے زخمی ہو گیا۔
اس بدماش کے اوپر10 ہزار کا انعام ہے۔ جو شاملی کا رہائشی ہے۔ پولیس نے زخمی بدمعاش کے قبضے سے 1 کالے رنگ کی موٹر سائیکل، 1 طمنچہ اور 2 کارتوس برآمد کرلی ہیں۔
اس زخمی بدمعاش کے اوپر لوٹ چوری جیسے کئی مقدمات پہلے سے درج ہیں اور اس پر 10 ہزار کا انعام بھی رکھا گیا ہے۔ جب کہ تصادم کے دوران زخمی ہونے والے بدمعاش کا دوسرا ساتھی بھاگنے میں کامیاب رہا۔
پولیس نے مفرور بدمعاش کو گرفتار کرنے کے لئے جنگلوں میں چھان بین کی لیکن بدمعاش فرار ہوگیا۔ اس دوران پولیس نے زخمی بدمعاش کلیم کو علاج کے لئے ضلع ہسپتال میں داخل کرایا۔