نقلی دودھ بنانے والے اشیاء سے بھری گاڑی ضبط

ماروتی وین میں نقلی دودھ بھر کر سپلائی کی جانے والی اشیا کو ضبط کیا گیا ہے۔

ریاست اترپردیش کے ضلع مراد آباد کے تھانہ مونڈھا پانڈے کی دلپت پور چوکی انچارج ونود کمار گولے کو کئی دنوں سے مخبر کی جانب سے اطلاع مل رہی تھی کہ ایک ماروتی وین میں نقلی دودھ بھر کر چمرووا ریلوے پھاٹک سے سپلائی کیا جاتا ہے۔

مخبر کی اطلاع پر ڈرائیور کو گرفتار کر تھانے بھیج دیا گیا، موقع پر پہنچی محکمہ خوراک و رشد کی ٹیم نے ریفائنڈ، پروٹین پوڈر، لکویڈ شوگر کے سیمپیل ضبط کر چانچ کے لیے بھیج دیا۔

محکمہ خوراک و رسد افسر موکیش ورما کے مطابق ماروتی وین کے ڈرائیور نے بتایا کہ 'وہ مرادآباد کے کٹرا بازار سے پروٹین پاؤڈر کی ایک بوری، ریفائنڈ کے 18کسٹر، لکویڈ شوگر کی 2کین، ماروتی وین میں بھر کر سپلائی کے لیے لے جارہا تھا جسے مخبر کی اطلاع پر چمرووا ریلوے پھاٹک سے گرفتار کر لیا گیا۔

ڈرائیور کو ہدایت دیتے ہوئے باقی کے اشیاء اور ماروتی وین کے ساتھ محکمہ خوراک و رشد افسر نے پولیں کے حوالے کر دیے اور کہا کہ جب تک سیمپل کی رپورٹ نہیں آجاتی تب تک یہ تمہاری نگرانی میں رہے گی۔